Larunbatean Jose Antonio Gisasola Zelai harri-jasotzaileari omenaldia egin zioten jaioterrian, Mallabian. Eguerdian, 'Zelai' liburuaren aurkezpena izan zen, Mallabiko Kontzeju Zaharrean, eta arratsaldean herri-kirol jaialdia eskaini zuten haren omenez belaunaldi desberdinetako harri-jasotzaileek. Bertan izan ziren besteak beste, Joseba Ostolaza, Aimar Galarraga, Jose Ramon Iruretagoiena Izeta II.a eta Hodei Iruretagoiena Izeta IV.a.