Euskaraz Gazte literatur lehiaketaren sariak banatuko dituzte, asteartean, Euskararen Egunarekin

Sari banaketa girotuko du Danbolin Musika Eskolako biolin taldeak.

Azken urteetan bezala, Euskararen Egunean banatuko ditu Orioko Udalak Euskaraz Gazte literatur lehiaketaren sariak. Aurten asteartearekin tokatzen da abenduaren 3a.

Ekitaldi irekia
Sariak banatzeko ekitaldia kultur etxeko areto nagusian izango da, 19:00etan hasita, eta irekia da bertaratu nahi duten guztientzat. Udaletik azaldu dute, gonbidatuta daudela, bereziki, "azken urteotan lehiaketan parte hartu duten guztiak".

Sari-banaketan Danbolin Musika Eskolako biolin-irakasle Amaia Gutierrezek eta bere ikasle batzuk ere parte hartuko dute, ekitaldia musikaz laguntzeko. Ekitaldiari bukaera emateko, pintxo batzuk jango dituzte lagunartean.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!