#EtxetikMundura

Aritz Pardina, etxetik mundura

Aritz Pardina filosofoa da ikasketaz, eta lehengo hilean, Pentsamendu Tailerra jarri zuen martxan Etxeluze Gaztetxean. #EtxetikMundura egitasmorako bidali digun bideoan, etxean egoteko aholku batzuk eta liburuen gomendioak eman ditu.

Urola Komunikazio Taldeko (UKT) gainerako hedabideetan beste hainbat bideo ikusteko aukera izango da: Maxixatzen.eus-en Tomas Lizarazu musikari eta abeslaria, Uztarria.eus-ek Xanti Rodriguez zinemagile eta argazkilaria, Zarauzkohitza.eus-en Unax Nogales musikaria eta Baleike.eus-en Roberto Fuentes bideogilea.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko Karkara.eus-ek, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!