Gipuzkoan ez dute COVID kasurik atzeman azken orduetan

Datu ofizialen arabera, 18.896 positibo hauteman dituzte kontaketa hasi zutenetik, eta horietatik %86,2ak jaso du senda-agiria.

Eusko Jaurlaritzak gaur eguerdian jakinarazitako datuen arabera, Araba, Bizkaian eta Gipuzkoan 15 koronabirus kasu berri atzeman dituzte azken orduetan, 3 kasu berri Araban eta 12 Bizkaian, baina Gipuzkoan ez dute kutsatu berririk zenbatu. Atzo 5.276 proba egin zituzten: horietatik 2.859 PCRak ziren, eta 2.417, test azkarrak.

Datu ofizialen arabera, Araban, Bizkaian eta Gipuzkoan 18.896 positibo hauteman dituzte kontaketa hasi zutenetik, eta horietatik %86,2ak jaso du senda-agiria; azken orduetan 43 lagunek.

Hildakoei dagokionean, Araban, Bizkaian eta Gipuzkoan koronabirusagatik hildakoak 1.470 izan dira pandemia hasi zenetik; horietatik hiru azken orduetan hil dira.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!