Santu Guztien Egunean ez da otoitzaildirik egingo Aiako eta Orioko hilerrietan

Osasun krisiak behartuta hartu dute otoitzaldiak ez egiteko erabakia, jende pilaketak ekiditeko xedearekin. Dena den, azaroaren 2an Orion eta Aian egingo dituzten elizkizunetan, gogoan izango dituzte hildako guztiak.

Orio eta Aiako parrokiek jakitera eman dutenez, Santu Guztien Egunean (azaroaren 1ean) bi herrietako hilerrietan ez da ohiko otoitzaldirik egingo. "Zutik hainbeste pertsona eta behar diren neurriekin egotea ez dugu posible ikusten. Zentzuz jokatuz, ez zaigu bidezkoa iruditzen jendea deitzea", azaldu dute.

Hala, azaroaren 2an, arratsaldeko 18:00etan Orioko Elizan eta 19:30ean Aiakoan ospatuko diren Mezetan, gogoan izango dituzte hildako guztiak; era berezian, azken hamabi hilabetetan hil direnak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!