Ezin jakin

Iñigo Gaitonek KARKARAren 423. zenbakian argitara emandako testua eta argazkia, 'Hizkiak eta izpiak' atalean.

Epsilon urakanak aspaldiko olaturik handienak ekarri behar zituela-eta, goizean goiz eskoilera muturrerainoko bidea egin nuen, fotoak egiteko asmoarekin. Tamalez, itsasaldiak gauez jo zuen goia, eta eguna argitzerako olatuak ez ziren hain ikusgarriak; itsasoan ez zen ezer ikaragarririk. Hala, argazki bereziren bat egiteko esperantza galduta, aparteko gogorik gabe jardun nuen kamerarekin. Nire harridurarako, irudi hau goiz hartan hartu nuen, objektiboa harrobi aldera begira jarri nuen batean. Etxean jabetu nintzen olatuaren ederraz, gogo nahikoa itzaliarekin fotoak berrikusten ari nintzen bitartean. Ezin jakin inoiz itsasoak zer ekarriko duen; ez bizitza errealean, ez argazkietan ere.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!