Ez dute positiborik atzeman Aian eta Orion

Aian 251,89koa da azken hamalau eguneko intzidentzia tasa eta Orion, aldiz, 228koa.

Eusko Jaurlaritzaren Osasun Sailak eguneratu ditu izurritearen gaineko datuak, eta horien arabera, Urola Kostan sei positibo detektatu dituzte azken orduetan. Dena dela, azken orduetan, ez dute positiborik atzeman Aian zein Orion: Aian 251,89koa da tasa eta Orion, aldiz, 228koa.

Eskualdeko sei positibotatik hiru Zestoan atzeman ditu Osakidetzak, eta intzidentzia tasak gora egin du zertxobait herrian; 539,29koa zen atzo, eta 564,97koa da gaur gaurkoz. Eskualde mailan, Zestoa da tasa 500eko langatik gora duen herri bakarra.

Atzo egindako probetako beste positiboak Azpeitian, Zarautzen eta Zumaian izan dira, bana herri bakoitzean. Azpeitian jaitsi egin da tasa atzotik, eta 197,11koa da gaur. Zarautzen berdin jarraitzen du, 231,29an hain zuzen ere, eta Zumaian igo egin da 231,29ra. Eremu horian jarraitzen dute hiru udalerriek.

Aizarnazabalen, Azkoitian, Beizaman, Errezilen eta Getarian ez dute positiborik detektatu azken orduetan. Izurritearen egoera orokorra hobera egiten ari dela erakusten dute gaurko datuek.

485 positibo Hego Euskal Herrian

Atzo, astelehena, 9.035 test egin zituzten Araban, Bizkaian eta Gipuzkoan, eta horietatik 428 izan ziren positiboak. %4,7koa da positibotasun tasa hiru lurraldeetan. Detektatutako kasuetatik 57 Araban izan ziren, 265 Bizkaian eta 106 Gipuzkoan. Kanpoan bizi diren pertsonen artean ez zen kasurik detektatu. Nafarroari dagokionez, 1.856 proba egin eta gero 57 kasu detektatu zituzten, eta %3,1eko positibotasun tasa dute.

Erietxeetako egoeraren gaineko informazio eguneratua ere eman du Osakidetzak. Horren arabera, atzo 46 pertsona ospitaleratu zituzten Araban, Bizkaian eta Gipuzkoan. Gaur gaurkoz 134 pertsona daude hiru lurralde horietako ZIUetan, eta RO indizea 0,89koa da.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!