Eusko Jaurlaritzak eta Nafarroako Gobernuak jakitera eman dituzten datuen arabera, atzo koronabirusa detektatzeko 7.237 PCR eta antigeno test egin zituzten Hego Euskal Herrian, eta horietatik 313k eman zuten positibo. Ostiralean egindako probetan hautemandakoak baino 52 gutxiago dira horiek, baina egindako proba kopurua ere nabarmen txikiagoa izan da: ostiralean baino 1.400 proba gutxiago egin zituzten atzo. Horrenbestez, zertxobait igo egin da positibotasun tasa: %4,2koa zen ostiralean eta %4,3koa atzo.
Lurraldeka, Bizkaian atzeman zituzten positibo gehien: 130. Gipuzkoan 77 kasu baieztatu zituzten, Nafarroan 66 eta Araban 38.
Eusko Jaurlaritzak bihar jakinaraziko ditu asteburuko herriz herriko datuak.