Kalean da ekaineko KARKARA aldizkaria

Banatzaileak ari dira ekaineko KARKARA Orioko eta Aiako etxe guztietara banatzen.

Gaur eman da argitara KARKARA aldizkariaren 429. zenbakia, ekaineko lehen ostiralean. Orion garatu duten UdalHiztek proiektuari eman zaizkio aldizkariaren orri sortarik handiena eta azala. Horretarako, elkarrizketa sakona egin zaie Jabier Zabaleta Orioko Udaleko Euskara teknikariari eta Itziar Cortés Orioko bizilagun eta Elhuyarreko ingeniariari. Euskararen eta teknologia berrien gaineko azalpen mamitsuak eman dituzte. Bestalde, erreportajea osatu da Martin Fowles bisitari ingelesaren argazki artxibotik eta oroitzapenetatik tiraka; Orioko hondartza zaharrari buruzko istorio eta irudi ederrak kontatzen ditu. Aipatutako edukiez gain, kolaboratzaileen iritziak eta askoz gehiago ere biltzen du ekaineko KARKARAk.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!