Gipuzkoan 31 kasu izan dira azken orduetan

Maialen Etxaniz 2021ko eka. 20a, 14:55

Positibotasun tasa %2,9 izan zen atzo Araba, Bizkaia eta Gipuzkoan. Ospitaleen egoerari dagokionez, COVID-19aren ondorioz hamasei pertsona ospitaleratu ziren atzo hiru lurralde horietan, eta gaitza duten 50 pertsona ZIUetan daude.

Eusko Jaurlaritzaren Osasun Sailak argitaratu ditu COVID-19 kasuei buruzko datu eguneratuak. Atzo Araban, Bizkaian eta Gipuzkoan egin zituzten 5.502 PCR eta antigeno probetatik 161k eman zuten positibo; hau da, %2,9k. Horietatik 26 Araban zenbatu zituzten, 102 Bizkaian eta 31 Gipuzkoan. 

Ospitaleei dagokienean, hamasei pertsona ospitaleratu zituzten atzo COVID-19aren ondorioz Osakidetzaren mendeko zentroetan, eta gaixotasun hori duten 50 pertsona daude ZIUetan.

Nafarroan, bestalde, atzo egin ziren 899 probetatik 43k eman dute positibo; %4,8k. Ostiraleko datuekin alderatuz zertxobait igo da positibotasun tasa. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!