Sobietar Batasuneko parte izan zen Uzbekistan, eta gaur egun errepublika independentea da. Tashkent du hiriburua. Hantxe kokatzen da gizateriaren ondare izendatu zuten lehen lekua: Jiva hiri zoragarria, hain zuzen. Hiri hartan, Itchan Kala auzo zaharreko Juma meskitan ateratako argazkia da honako hau (2019. urtean).
Bi emakume, eserita, kolore ederrak dituzten jantziak soinean, dotore, kontu-kontari, lasaitasun osoan. Kameraren klika entzun bezain pronto, tranpetan ari ote nintzen galdetu nion neure buruari, eta bai, garbi jokatzetik oso urrun nenbilen. Atzetik, beraiek konturatu gabe, beraien baimenik gabe aritu nintzen eta.
Baina ez nintzen kapaz izan irudia ezabatzeko, eta orain hemen dago, zuen denon eskura.
Han eta hemen ibiltzen gara argakiak ateratzen, askotan eta askotan, adibide honetan bezalaxe, tranpetan.