Julen Alonsok Aian estreinatuko du 'Eskuetan bihotza' ikuskizuna

Hilaren 22an, larunbatarekin, izango da Alonsoren emanaldia probalekuan. Oinkari taldeko dantzariak berarekin izango ditu.

Julen Alonsok disko berria plazaratu zuen abenduan, Eskuetan bihotza izenburupean. Aurreko diskoarekin egin zuen modura, ikuskizuna ere prestatu du abesti bilduma berriarekin batera, eta Aian izango da ikusgai estreinakoz.

Urtarrilaren 22an emango dute kontzertua Aian Alonsok eta bere bandak, eta oholtzan ondoan izango dituzte Oinkariko dantzariak. 22:30ean hasiko da emanaldia.

Sarrerak etzi, asteartean, jarriko dituzte salgai 16:30ean, eta musikaze.com webgunean eta Aiako kultur etxean egongo dira eskuragarri. 10 euroko prezioa izango dute txartelek.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!