Erretzeari uzteko tailerrak antolatu ditu Minbiziaren Aurka Gipuzkoan elkarteak

Aurrez aurreko saioak Zarauzko egoitzan egingo dituzte astelehenetan eta asteazkenetan. Terapiak zortzi astez irauten du, eta doakoa da.

Minbiziaren Aurka Gipuzkoan elkarteak erretzeari uzteko terapia tailerrak antolatu ditu. Zarauzko Balea kaleko 2. zenbakian duten egoitzan eskainiko dituzte saioak aurrez aurre nahiz online. Aurrez aurreko saioa astelehenetan (11:00) eta asteazkenetan (15:00) izango dira; aldiz online erako saioak asteazkenetan izango dira, 17:00etatik 18:00etara.

Elkarteko prebentzio arloak antolatzen du ekimena, eta tabakismoan aditua den psikologo batek gidatuko ditu saioak. Guztira, zortzi asteko doako terapia izango da.Pertsona bakoitzaren egoera eta arreta desberdinak direnez, elkarteak paziente bakoitzari arreta zuzena eta pertsonalizatua eskaintzen dio.

Tailerrean parte hartu nahi dutenek 943-45 77 22 telefono zenbakira deitu dezakete edo gipuzkoa@contraelcancer.es helbidera idatzi. Jarduera honetan parte hartzeko lekuak mugatuak direla jakitera eman dute.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!