Gerturatzen ari dira maiatzaren 28ko udal eta foru hauteskundeak, eta ohi bezala, Erlo telebistak, Goienak, Goierri Irrati Telebistak eta 28 Kanalak elkarlanean hainbat saio prestatu dituzte foru bozak landu eta herritarrei informazioa eskaintzeko.
Besteak beste, foru bozetarako hautagaiei, Eider Mendoza (EAJ), Maddalen Iriarte (EH Bildu), Jose Ignacio Asensio (PSE-EE), Miren Etxebeste (Elkarrekin Podemos) eta Mikel Lezama (Alderdi Popularra), elkarrizketak egin dizkie Mireia Galarza UKTko kazetariak. Maddalen Iriarte EH Bilduko ahaldungaia da azken aurreko elkarrizketa. Bihar egongo da ikusgai azken elkarrizketa, hain zuzen, EAJko Eider Mendozari egindakoa. Hori ere 21:00etan ikusi ahal izango da.