Karkara gaur hasiko da ekaineko aldizkaria etxez etxe banatzen. Aldizkarian landutako edukien artean, Eider Arruti Mutiozabal Txo-ren ontziola hezkuntza proiektuko koordinatzailea elkarrizketatu egin du Karkarak. Honako hau aldizkariaren aurrerapen bideoa da.
Mutiozabal ontziolak garrantzia ikaragarria izan du Orioko historian. Azken urteetan, ordea, gainbeheran zegoen ontziola. Orain, berriro, bizia eman diete errioaz bestaldeko leku bereziari, eta ez edonork, herriko umeek baizik.
Ekaineko Karkarak gaia landu du. Hain zuzen ere, Mutiozabal Txo-ren ontziola hezkuntza proiektuko koordinatzailearekin, Eider Arrutirekin, bildu da, eta proiektu berriaren inguruan mintzatu da.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!