Oriokoko beterano taldea aurreratu zen markagailuan hamargarren minutuan Sergio Alonsoren golari esker. Baina hogeitazazpigarren minutuan Jordi Mayoralek kataluniarren lehenengo gola lortu zuen, falta jaurtiketa baten ondoren.
Neurketak laurogei minutu inguru iraun zuen eta Jon San Sebastian aritu zen epaile lanetan. Honen esanetan, oriotarrek uste baino hobeto jokatu zuten, LLeidako beteranoak lehendik ere futbolean jolastutakoak direla kontuan izanda. “Oriokoko jokalariak gehiegi ziren, aldaketa asko egin dituzte eta jokoa antolatzerako orduan ez da erraza izan”, gaineratu du. “Baina, tira, giro ona izan dugu eta jendea gustora irten da futbol-zelaitik”. “Tamalez, Lleidako atezainak min hartu du besoan eta Fulgencio, neurketa hasi eta berehala lesionatu egin da. Adinaren kontuak”, dio Jonek.
Epailearen lanari dagokionez, horrelako neurketak epaitzea oso zaila dela aitortu digu Jonek, beranoak jolastu baino gehiago kexatu egiten direlako, nahiz eta behin neurketa amaituta, dena txantxa bihurtzen den. “Berrogeitabost urtetik gora, dena kexa bihurtzen da”, azpimarratu du Jonek.
Oriokoko beterano futbol-taldea 2009ko maiatzaren geroztik Lleida eta Oviñana (Asturias) beterano taldeekin senidetuta dago. Egun, Txus eta Jaime Oriokoko beterano taldeko jokalariak dira. Biek heuren jaioterriko beterano taldeak ezagutzen zituzten. Hauekin harremanetan jarri eta geroztik elkartrukea egiten dute urtean behin asturiarrekin nahiz kataluniarrekin.