Errotaburun izan gara, Donostian, ogasuneko bi dorre erraldoien bueltan. Bi oinarri indartsu batzen dira Vasquito tabernan eta jatetxean: etxeko indarra eta Iñaki gazte sukaldariaren amor propioa. Hogeita lau urterekin bere etxea zabaldu du Orioko gazteak, eta urtebetean kritika onak jaso arren ez dago konformatzeko. Gaur astelehena da, arratsaldeko bostak,eta sukaldeko lanetan harrapatu dugu etxeko nagusia.
Basque Culinaryko hirugarren promozioko sukaldaria zara. Ikasketaz ere sukaldaria, alajaina.
Umetan erreferente handia izan nuen etxean: amona Lorentxa Getariako Larrañaga hoteleko sukaldaria zen, gaur egun Elkano jatetxearen lekuan zegoen sukalde hura.
Duela zazpi urte osaba Jose Luis Esnal Baxerrik La Borda del Vasquito zabaldu zuen Baqueiran. Jendeak hemendik eramandako arraina eta generoa estimatzen zuela ikusita bigarren bat zabaldu genuen Viella herrian.
Egia esanda, jatetxe berria arrankatzea kosta egiten da, baina apirilaren 17an egin dugu urtebete eta jendea erantzuten ari da.
Bai. Bezeroa etxean sentitzea da gure lehen egitekoa; ama, osaba, lehengusuak elkarrekin ari gara lanean eta antzeman dadila gure etxearen berotasuna.
Kalitatezko generoa darabilgu eta erakustea gustatzen zait: kristalezko bitrinan izotzetan daude arrainak, beze- roak aukeratu eta kon antza izan dezan.
Eskaintza ugaria da: barran, menuan edo kartan dagoena ondo lantzea gustatzen zait, maitasun handia jartzen diogu plater bakoitzari.
Bisitariak asko eskatzen ditu legatz kokotxak pil-pi- lean onddo kon tatuekin, baita lore motako arrautzak patata kremarekin, foie freskoa plantxan eta trufarekin, eta inguruan ezagunak diren arrainak: bisigua, erreboi- loa, muxarra, angula, zentoiloa, bertako bogabantea...
Errezeta: Legatz kokotxak pil-pilean onddo konfitatuekin
Osagaiak
Kilo erdi onddo Kilo laurden
legatz kokotxa Baratxuria Olioa
Ura edo salda
Edaria: Arabar Errioxako ardo beltz bat
Nola egin?
Bi ontzitan prestatuko ditugu legatz kokotxak eta onddoak. Legatz kokotxei ohiko moduan egingo diegu pil-pil saltsa: baratxuria zatitu, oliotan jarri eta baratxuriak kolore pixka bat hartu arte erregosi; ondoren, baratxuri aleak kendu eta kokotxa gehitu. Saltsa loditu arte eragin behar da, salda edo ura gehitu eta prest izango dugu pil-pila. Baratxuria bakarrik erabiliko dugu onddoekin ere. Oliotan jarri eta onddo laminatua gehituko diogu. Sua indar txikian jarri poliki-poliki konfitatzeko.
Platera mahairatu aurretik ontzi batean nahastuko ditugu onddoak eta kokotxak. Garrantzitsua da mantso- mantso berotzea, kokotxen pil-pil berdeari kolore marroizta emango diote onddoek.