Orioko Ikastolako guraso talde batek Ziklokilometroetan parte hartu du

Erabiltzailearen aurpegia

Iker Elola oriotarra izan zen Ziklokilometroetan parte hartu zuten txirrindulari guztien artean kilometro gehien egin zituena. 

Irailaren 16an, igandearekin, Zumarraga-Urretxuko Kilometroak festaren barruan Ziklokilometroak ekimena egin zen, Gipuzkoako ikastola guztiak bizikletaz lotuz. Ikastola bakoitzean txirrindulari taldea sortu zen, eta parte-hartzaileak elkarri erreleboak emanez ikastolen artean zubiak eraiki zituzten. Horrez gain, bizikleta garraio-bide gisa ere sustatu zuten.
 
Goizeko 07:00etan abiatu zen Ziklokilometroak Zumarraga-Urretxutik, eta 20:00ak aldera iritsi zen berriz ere abiapuntura. Ehunka txirrindularik parte hartu zuten ekimenean, eta denen artean Iker Elola oriotarra izan zen Ziklokilometroetan kilometro gehien egin zituena. Oriotik abiatu zen Elola Orioko Herri Ikastola eta Salbatore Mitxelena Ikastolako taldearekin, eta Usurbil, Donostialdea, Oarsoaldea eta Andoain zeharkatu zituen, Billabonaraino iritsi arte. Eta handik Andazarrate igo eta etxera itzuli zen.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!