OSTIRALEKO KUADRILEN BATEL LEHIAKETARAKO 8 TALDE IZANGO DIRA

Erabiltzailearen aurpegia ORIO HERRI IKASTOLA 2018ko eka. 26a, 13:58
San Pedrotako festetarako programaren barruan, Orioko Herri Ikastolak antolatuta, ostiral honetan lehenengo aldiz Kuadrilen Arteko Batel Lehiaketa egingo da.
8 taldek eman dute izena eta eliminatoria moduan jokatuko dira batel estropadak, ziaboga bakarra izango duen 500 metroko ibilbidean.
Izena eman duten taldeen izenak hauek dira:
  1. Batel power
  2. Jajaja-submarinoa
  3. Txuruflaiak
  4. Txipis
  5. Ekologiko 3.
  6. Bandera
  7. Alde paretik
  8. Irakasleak baietz!
Lehenengo binaka 4 estropada jokatuko dira eta zein noren aurka erabakitzeko, zozketa egingo da estropadak hasi baino ordu erdi lehenago, arratsaldeko 17:00etan hain zuzen ere. Ondoren sailkatuen artean semifinalak eta finalak jokatuko dira, baina postu guztien hurrenkera erabakitzeko talde bakoitzak 3 estropada jokatuko ditu. Dena den, lehiaketaren dinamika eliminatorien zozketarekin batera azalduko da.


KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!