Baliabide digitalen ikastaroa LHko gurasoentzat

Erabiltzailearen aurpegia ORIO HERRI IKASTOLA 2020ko urr. 20a, 20:05
Atzo Orioko Herri Ikastolan LHko gurasoentzat antolatutako baliabide digitalen gaineko ikastaroa egin zen, eta Ander Etxanizek gidatu zuen saioa, Orioko Herri Ikastolako irakasle eta IKT arduradunak.

Aurreko ikasturteko itxialdiaren ondoren, hobekuntzak txertatzeko helburuarekin lanean jardun da Ikastola; horretarako, beharrezkoa da familiekin harreman sendoak eta komunikazio kanal efizientek izatea. Hori dela eta, ikastaro honen helburua izan da gurasoei oinarrizko trebezia digital batzuk ematea. 

Saio teoriko-praktikoa izan zen, eta Gmail, Meet, Drive eta bereziki, Classroom moduko aplikazioak nola erabili ikasi zuten gurasoek. Horretarako, parte-hartzaile bakoitzari ikastolako ordenagailu eramangarri bat utzi zitzaion.

Orioko Herri Ikastolak aspaldi egin zuen IKTen, hau da, baliabide informatikoen aldeko apustua. Izan ere, geroz eta gizarte digitalizatuago batean bizi gara eta gure ikasleak digitalki konpetenteak direla bermatzea da gure helburua. Konfinamenduak errealitate hori azaleratu egin du, eta Ikastolako komunitate osoa IKTak erabiltzeko gai izatea beharrezkoa iruditzen zaigu, baita familiak ere, LHko ikasketa prozesuan zutabe garrantzitsuak baitira.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!