Beste ikasturte batez, Orioko Aek-k euskara ikastaroak emango ditu. Izena emateko aukera irailaren 22ra arte izango da eta urrian hasiko dira klaseak. Iaz bezala, aurrez aurreko aukera edo autoikaskuntzarako aukera izango du ikasleak eta, bietan, 100 euro ordaintzea nahikoa izango du. Gainera, ikasturte bukaeran, laguntza bereziak eskuratzen dituztenek aukera izan dezakete diru hori berreskuratzeko.
Aurrez aurreko eskaintza astean 8 ordukoa izango da (astelehenetik ostegunera, bi ordu) eta autoikaskuntzakoa 6koa. Edozein zalantza izanez gero, jarri gurekin harremanetan honako aukeren bidez:
Euskaltegira etorrita (Arrantzale kalea z/g), telefonoz deituta (670 420 025) edo e_maila bidalita (orio@aek.eus).
Animatu euskara ikastera, hobetzera, hitz egitera!