AEK-k beti izan du helburu euskara praktikoa, hau da, ikasleak euskaraz bizi ahal izatea. Horretarako, ulertzen dugu ikasgelatik atera egin behar dutela eta herritarrekin harremanak izan; bestela, zaila egiten baitzaie pausoa ematea.
Ikasturteari hasiera emateko, beraz, Altxorraren bila antolatu dugu AEK-ko langileok. Horrela, ikasleek elkar ezagutuko dute, baina baita konplize egin ditugun herritarrak ere. Hori esanik, aldez aurretik eskerrak eman nahi genizkieke azken horiei borondate ona erakusteagatik.
Horiek, oraingoz, kontuak eta komeriak! Ea ikasleek altxorra aurkitzen duten.