Hona hemen euskara eskola-errefortzuetan parte hartu duten ikasle batzuk. AEK euskaltegia aritu da eskolak ematen, eta Orioko Udalari esker eraman da aurrera proiektua.
Euskara modu dinamikoan eta jolasen bidez ikasi dute, eta hori izan da gehien gustatu zaiena. Azken batean, gozatuaz ikastea bezalakorik ez dago. Horrela, proiektu txikiak ere egin ditugu (irratsaioa eta albistetxo hau, adibidez) eta mahai-jolasak ere ez dira falta izan.
Haur eta gaztetxo hauek euskara ez dela erraza esaten dute, baina erabilitako metodologiarekin gustura etorri dira; eta ez hori bakarrik, aurrerapausoak ere eman dituzte. Hainbat herrialdetatik etorritako ikasle hauek, ikasi ez ezik, erakutsi ere egin digute; hizkuntza nahiz kulturaren elkartrukea egin ahal izan baitugu. Honenbestez, gure ikasleak ari dira euskara pixkanaka-pixkanaka barneratzen eta Orion oso gustura daudela diote. Izan ere, hemen denetarik daukate: hondartza, mendia, dendak...