UKUEk 2018ko diru-laguntza deialdia egin du, ekintzailetasuna, enplegua, inbertsioak eta lankidetza-egitasmoak sustatzeko

Erabiltzailearen aurpegia Urola Kostako Udal Elkartea 2018ko mar. 20a, 14:58
Diruz lagunduko dira 2018ko urtarrilaren 1etik abenduaren 31ra burututako jarduerak. 305.000,00 euro emango dira diru-laguntzatan.

Urola Kostako Udal Elkarteak 2018ko diru-laguntza deialdia onartu du, ekintzailetasuna, enplegua, inbertsioak eta lankidetza-egitasmoak sustatzeko.

Zuzendaritza Batzordeak oinarriak 2018ko martxoaren 15eko bilkuran onartu zituen eta laster emango dira argitara Gipuzkoako Aldizkari Ofizialean.

Gia horretako diru-laguntza deialdia 2017an egin zuen lehenengoz Udal Elkarteak eta aurtengoa ildo beretik dator, egokitzapen batzuk eginda.

Lau diru-laguntza lerro

Hona hemen deialdiaren lau diru-laguntza lerroen ezaugarriak, laburbilduta:

  1. Jarduera ekonomikoak sortzeko diru-laguntzak (70.000,00 euro gorde dira lerro honetarako): enpresak sortzeko diru-laguntzak dira. Diru-laguntzaren oinarria 1.000,00 eurokoa izango da. Kopuru hori handitu egingo da, sustatzailearen eta jardueraren proiektuaren ezaugarrien arabera.
  2. Enpleguaren sustapena (115.000,00 euro gorde dira lerro honetarako): langabeak kontratatzeko diru-laguntzak dira. Bi programa ditu diru-laguntza lerro honek: Prestakuntza Bonoaren programa eta Kontratazioa+Jarraipena programa. Kontratuak 6 hilabetekoa izan behar du gutxienez (lanaldi erdikoa edo lanaldi osokoa). Kontratau mugagabeek diru-laguntza handiagoa jasoko dute.Diru-laguntza izango da 3.000,00 eurokoa eta kontratua mugagabea baldin bada 7.500,00 eurokoa.
  3. Inbertsioetarako diru-laguntzak (90.000,00 euro gorde dira lerro honetarako): Itzuli beharrik gabeko diru-laguntzak emango dira enpresaren jarduerarekin zerikusia duten inbertsioetarako. Inbertsioak 2018an egina eta gutxienez 3.000,00 eurokoa izan behar du. Diru-laguntzaren kopurua izango da, gehienez ere, inbertsioaren %30,  betiere, gehienez, 2.000,00 euro.
  4. Lankidetza egitasmoak garatzeko diru-laguntzak (30.000,00 euro gorde dira lerro honetarako): Itzuli beharrik gabeko diru-laguntzak emango dira eskualdeko hezkuntza zentroek eta enpresek lankidetzan garatutako proiektuetarako. Diru-laguntzaren zenbatekoa izango da, gehienez ere, onartutako proiektuaren %40 eta, gehienez ere, 3.000,00 eurokoa. Bazkide/partaide guztiak eskualdekoak baldin badira, diru-laguntzaren zenbatekoa izango da, gehienez ere, onartutako proiektuaren %80 eta, gehienez ere, 7.000,00 eurokoa.

2017ko deialdiaren datuak

2017ko diru-laguntza deialdian guztira 132 eskabide aurkeztu dira eta horietatik 111 eskabidek diru-laguntza jaso dute. Orotara, 205.620,97€ eman dira diru-laguntzatan, honela banatuta: enpresa berriak sortzeko 46 diru-laguntza eman dira (56.700,00€), langabeak kontratatzeko 2 diru-laguntza (15.000,00€), inbertsioetarako 58 diru-laguntza (104.160,08€) eta lankidetza egitasmoak garatzeko 5 diru-laguntza (29.760,89€).Bi berrikuntza nagusi dakartza aurtengo deialdi honek:

Bete behar diren baldintzak

Bete behar diren baldintzak, prozedura, eskabideak baloratzeko irizpideak eta gainerako xehetasunak oinarrietan daude zehaztuta.

Oinarriak eta eskabidea egiteko ereduak UKUEren webgunean, urolakosta.eus-en, daude ikusgai.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!