karkara.eus

Jardunaldia autonomo eta ekintzaileentzat: autonomoen Gizarte Segurantzako erregimen berezia, lege aldaketak

Erabiltzailearen aurpegia   gizartea

Apirilaren 18an izango da. Autonomoen erregimenaren azalpen eta argibide orokorrez gain, indarrean sartu berri den 6/2017 Legearen inguruko azalpenak emango dira.

Urola Kostako Udal Elkarteak jardunaldia antolatu du eskualdeko autonomoentzat eta ekintzaileentzat, autonomoen erregimen bereziari buruzko azalpenak eman eta indarrean sartu berria den 6/2017 Legeak dakartzan berrikuntzen berri emateko. Hona hemen jardunaldiaren xehetasunak:

Izenburua: Autonomoen Gizarte Segurantzako erregimen berezia, lege aldaketak

Eguna: 2018-4-18

Ordua: 9:30 (iraupena 2 ordu)

Lekua: Urola Kostako Udal Elkartearen egoitza (Urdaneta bidea 6, Zarautz)

Hizlaria: Marisa Trueba (Bultz-Lan Consulting)

Izen-ematea: Aurrez izena eman behar da, telefonoz deituta edo mezua bidalita:

  • Tel. 943890808
  • enpresasustapena@urolakosta.eus

Egitaraua:

  • Gizarte Segurantzako sistema
  • Pertsona enpresaria eta bazkideak nola kokatu gizarte segurantzako erregimen desberdinetan.
  • Autonomoen erregimen berezia
  • Pertsona langile autonomoaren definizioa eta aplikazioa.
  • Alta, baja eta aldaketak.
  • Kotizazioa eta kuoten diruzaintza.
  • Jarduera amaitzea, langabezia. Ordainketa bakarra.
  • Osasun prestazioak: aldi baterako ezintasuna.
  • Ezintasun iraunkorra.
  • Erretiroa eta desenplegua.
  • 6/2017 LEGEA (urriaren 25eko BOE): ekintzailetza bultzatzeko autonomoen lanaren inguruko erreformak.
  • Autonomoen erregimen bereziaren etorkizuneko erronkak.

Jardunaldi hau kokatzen da Gipuzkoako Foru Aldundiaren "Enpresak Sortu eta garatzeko prozesuan laguntzeko programaren» baitan (2017ko deialdia, GAO, 2017-07-04, 127 zk).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa