Ez gara alarmista jarriko, garrantzi handiegirik ere ez du seinale batek baina zer pentsatua eman digu. Goazen gertakariak aztertzera. Hiru hipotesi aztertzen ari gara euskara zerbitzuak eta bulego teknikoak herriko zenbait eragilerekin elkarlanean zabaldutako ikerketa batzordean. Egurrezko zutoina ustelduta zegoen jartzerako, hori da lehen hipotesia. Edo haizea izan al da euskararen aldeko aldarria lokatzetara bota duena? Hasieran beste susmo batek ere hartu zuen indarra: bakarren batek indarrez atera du.
Bada beste datu bat lehen bi hipotesiak indartzen dituena. Ez da inor kexatu edo ez da inor mindu seinalea lurrean ikusita. Eta oriotarrak sentibera jartzen gara horrelakoetan. Bost axola ote zaigu parkeetan zein hizkuntza entzuten den? Ondorioak garbiak dira: bakarren batek indarrez atera badu, lasai, berriz jarriko dugu-eta. Laster aspertu behar du, egoskorrak gara gero! Hori bai, haizeak bota badu edo egurra ustelduta baldin badago, soluzioa ez da horren erraza.
Ez ote da euskarak herrian bizi duen egoeraren adierazle?
Jon Agirresarobe 'Torrotxo'
euskara zinegotzia