Gure esku dago

karkara.eus

Ekainaren 8ko Durango-Iruñea giza-katean parte hartzeko deia egiten du Orioko antolatzaile-taldeak

Erabiltzailearen aurpegia
Gure Esku Dago ekimenak antolatuta, giza-kate erraldoia egingo da ekainaren 8an Durango eta Iruñea artean eta horren antolaketan laguntzen dabilen Orioko taldeak dei egiten die oriotarrei parte hartzeko.

Oriotarrei giza-katearen 43. kilometroa osatzea egokitu zaie, zarauztarrekin eta aiarrekin batera. Urretxu inguruan dago hori eta, hara joateko, autobusak izango dira (nahi duenak, hala ere, bere ibilgailuan egin dezake joan-etorria). Dagoeneko 130 oriotar inguru dago izena emanda.

Erabakitzeko eskubidearen aldeko ekimen honetan parte hartu nahi dutenek ibilbidearen metro bat erosi behar dute (5€) eta aldez aurretik eman behar dute izena, fitxa bat beteta.

Izen-ematea

Izena emateko biderik errazena Orioko antolaketa-taldeko Rosi Lazkanori deitzea da (671 070 569); baina internetez ere egin daiteke Gure Esku Dago ekimenaren webgunean:

Gure Esku Dago webgunea

Gogoan hartu beharreko hainbat kontu

  • Orioko autobusak 09:00etan abiatuko dira, ekainaren 8an, autobus geltokitik.
  • Autobusak 10:00ak aldera iritsiko dira Urretxura eta han antolatuko da jendea. Oriotarrei giza-katearen 43. kilometroa egokitu zaie. Zarauztarrak eta aiarrak ere kilometro horretan juntatuko dira
  • Giza-katea 12:00etatik 12:30era bitartean egingo da eta festa-giroko ekitaldia izango da.
  • Autobusaren prezioa 10 eurokoa da, pertsonako; baina oriotarrek horren erdia bakarrik ordainduko dute, beste erdia Orioko Udalak ordainduko duelako. Autobusaren dirua egunean bertan ordaindu behar da, abiatzerakoan; baina autobusa erabiltzeko asmoa dutenek aldez aurretik jakinarazi behar diote Rosi Lazkanori (671 070 569), aurrez jakin ahal izateko zenbat autobus beharko diren.
  • Ekitaldia eta gero, egun osoko festa antolatu dute Lazkaon eta hala nahi dutenek aukera izango dute han geratzeko. Autobusean bueltatzeko, bi aukera izango dira: 13:00etan, etxean bazkaritarako egon nahi dutenentzat, eta 19:00etan, Lazkaoko  festan geratu nahi dutenentzat.

Erantzunak

Erabiltzailearen aurpegia Erantzuna | #1

EGUNERAKETA
- Dagoeneko 165 oriotar dago izena emanda Durango-Iruñea giza-katerako. Egun horretarako autobus gehiago lortzea ia ezinezkoa da eta, beraz, gaurtik aurrera izena ematen dutenek beren kontura egin beharko dute joan-etorria.
- Autobusa hartuko ez badu ere, parte-hartzaile bakoitzak bere metroa erosi behar du, hala ere. Horretarako egokiena, artikuluan dioen bezala, Rosi Lazkanori hots egitea da (671 070 569).
- Azken orduko aldaketa bat izan da eta oriotarrei eta zarauztarrei dagokien kilometroa ez da 43.a izango, baizik-eta 42.a.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa