Abuztuaren 27an, Orion, Gipuzkoako eskubaloi talderik onenak nor baino nor izango dira Kilometroak jaiaren alde Orion.
18:00etan Bera Bera emakumezkoen eskubaloi taldearen eta Gipuzkoako konbinatuaren arteko partida izango da Orioko Karela kiroldegian. Segidan, 20:00etan, Zarauzko Amenabar eta Irungo Bidasoa taldeek neurtuko dituzte indarrak.
Sarrerak 5 euroan eskuratu ahal izango dira; Orion, Erria txikota! dendan eta Il Gelaton; eta Zarautzen, Txiki Polit tabernan.
Oriotarrak herrian bertan ikusteko aukera
Arraunerako ez ezik, eskubaloirako afizioa ere badago Orion, eta horren lekuko dira Oriotik atera diren eskubaloi jokalariak.
Hala, abuztuaren 27an, Orion, Irungo Bidasoa taldeko Jon Azkue eta Zarauzko Amenabar taldeko Josu eta Ander Atorrasagasti anaiak ikusteko aukera izango da herrian bertan.
_tokikom_735x413.JPG)
