Zaraguetako uzta

Erabiltzailearen aurpegia

Itxura ederra eta uzta aberatsa

Itxura ederra du Zaragueta Herri Eskolako baratzak, eta ostiraleko eguraldi ederra aprobetxatuz uzta jasotzen ibili gara.

Goizetik Haur Hezkuntzako 3, 4 eta 5 urtekoak letxuak biltzen ibili dira. Haurrak poz-pozik daude arratsaldean bakoitzak bere letxua eramango duelako. Eta seguru, batek baino gehiagok gaur lehenengo aldiz letxua probatuko duela etxekoekin afaltzeko orduan!

Bestalde, udaberrian landatutako kalabaza bikainak ere bildu eta eskolako sarreran jarri ditugu erakusketa moduan. Datorren astean zatitu eta bakoitzak zati bana eramango dugu etxera pure goxo-goxoa egiteko.

Arratsaldean, berriz, hirugarren eta laugarren mailetakoek tipulak eta espinakak landatu dituzte, berriz ere, uzta jaso ahal izateko. Etenik gabeko gurpila.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!