“Eman doinua euskarari”

Erabiltzailearen aurpegia

Aurtengo Euskararen Egunaren harira “Eman doinua euskarari” leloa aukeratu du Orioko Zaragueta IPI Ikastetxeak. Urte osoan euskarak doinua gal ez dezan, musikaren inguruan girotu dute. 

Astean zehar, ipiniriko horma-irudi handi batean ikasle bakoitzak bere argazkia txertatu du musika nota baten gainean. Gaur aldiz, goizean kantu saio bat egin dute AEKko euskaltegiko ikasleekin batera, eta argazki erraldoi bat ere atera dute. Arratsaldean aldiz, LH eta DBHko ikasleek pelikulak ikusi dituzte, eta HHko ikasleek gurasoekin batera IKE jolasak egin dituzte.

Euskarak egun soil bat behar ez duenez, urte osoko lana geratzen da hizkuntzaren erabilpena areagotzeko.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!