Zaragueta eskolaren eguna, guztien artean eta guztientzat egindako festa

Eguraldia lagun, egun paregabea igaro zuten ikasle, irakasle eta gurasoek

Emanaldiz jositako eguna eta jokoekin blaitutakoa izan zen Zaragueta Herri Eskolarena. Jana eta edana ere nahi adina izan zuten, eta tripa beteta itzuli ziren bertaratutakoak etxera. Egunari hasiera salda eta pintxoak janez eman zieten. Txikienek urduritasunak albo batera utzi eta taula gainean irakasleekin prestatutako maisu lanak erakutsi zizkieten gurasoei. Gurasoak, pozarren aritu ziren txalo eta txalo seme-alabei begira.

Mahaiaren bueltan eseri ziren ondoren; lehendabizi haurrak, gero, helduak. Bazkalondo bikaina izan zuten ikasleek, puzgarriak, jolasak eta tailerrak izan baitzituzten. Ostean, kirolari tartetxo bat eskeini zieten. Judo emanaldia eskaini zuten arratsaldearen hasieran, eta eguna borobiltzeko guraso, ikasle eta irakasleen futbol partidua jokatu zuten.

Giro ona nagusitu zen Zaragueta Herri Eskolaren egunean. Umeek, gurasoek eta irakasleek; guztiek gozatu zuten guztien artean antolatutako festan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!