Larunbat eguerdian, aurtengo talde eta asmoak aurkeztu zituen OAEk herriko plazan. Asier Colinak, Klaudio Etxeberriak eta Ibon Huegunek hartu zuten hitza. Bakoitzak bere taldearekin, eta elkarteak orokorrean, zituen asmoak adierazi zituzten.
Azpimarratzekoa da, Jose Luis Agirrek klubean egindako lana eskertu nahi izan zutela zuzendaritzakoek. Iaz arte, urte askoan ibili baitzen arraunlari ez ezik, entrenatzaile lanetan ere, nola gazteekin hala helduekin.
Larunbat arratsaldean, Orio A-k bandera ekarri zuen Pasai Donibanetik. Ongietorria ere egin zen plazan iluntzean, eta bastante jende bildu zen. Igande eguerdian, aldiz, Orio B-k zuen estropada, Zumaian 11. geratu ziren B-ko mutilak.
Espainiako txapelketa
Igandean, goiz partean, Bayonelesko arraun olinpikoko eremuan, Espainikako aulki mugikorreko txapelketa jokatu zen. Gizonezkoen zortzikoan bigarren geratu ziren oriotarrak, Sevillako Labradores taldearengandik 81 ehunenekora. Lehia bizia izan zuten Sevillako Labradores eta Nautico taldeekin, eta azken txanpan galdu zuten aurreneko postua.
Jubenil mutilen zortzikoak laugarren postua lortu zuen, eta Jabier Puertasek, beteranotan, zilarrezko domina.