Gaur hasi dira partidak, baina inaugurazio ekitaldia oraindik egiteke dago. Iluntzeko 22:00etan izango da, Donostiako Anoeta estadioan. Aurten, lehenengo aldiz, 23. Donosti Cupen inaugurazioa zuzenean ikusi ahal izango da.
Inaugurazioa gauean hasiko den arren, egun guztian zehar partidak jokatu dira Euskal Herriko hainbat tokitan, baita Orion ere. Goizeko 10:00etan hasi dira partidak Mendibeltz futbol zelaian eta azkena arratsaldeko 19:00etan amaituko da; guztira, zortzi partida jokatu dira. Bihar, asteartean bederatzi jokatuko dira, asteazkenean zortzi eta ostegunean hamabi.
Orioko bi taldek hartuko dute parte aurtengo edizioan. Bata jubenilena, zeinak ikastolaren izenean jokatuko duten. Bestea kadeteena, Orioren izenean jokatuko dutena. Argazkitan, azken honek gaur jokatutako partida ikusi daiteke.