Martxoan errenta aitorpena euskaraz egitea bultzatzeko kanpaina jarri zuen martxan Orioko Udalak UEMArekin batera. Kanpaina horrekin, herritarren eta administrazioaren arteko harremana euskarazkoa izatea sustatu nahi zuten; administrazioa euskalduntzeko bidea errazten baitzuen proiektuak.
Kanpainak eman ditu fruituak. Iaz baino 96 pertsona gehiagok egin dute aurten errenta-aitorpena euskaraz. Guztira 570 izan dira euskaraz egin dutenak, %19,28. Halaber, gaztelaniaz egin dutenen ehunekoa handiagoa da: %80,72.
Oraindik askoz gehiago dira gaztelaniaz egiten dutenak, baina euskarazkoen portzentajea handitzen ari da etenik gabe. Urtetik urtera gero eta gehiago dira errenta-aitorpena euskaraz egiten duten oriotarrak. Begira eboluzioa:
2009
Euskaraz egindako aitorpenak: 308 (%11).
2010
Euskaraz egindako aitorpenak: 399 (%13,98).
2011
Euskaraz egindako aitorpenak: 429 (%14,68).
2012
Euskaraz egindako aitorpenak: 474 (%16,40).
2013
Euskaraz egindako aitorpenak: 570 (%19,28)