Goiko kalean gero eta auto gehiago ibiltzen zen eta horrek arazoak sortzen zizkien bizilagunei. Egoera hobetze aldera segurtasun neurriak hartu dira eta Obra eta Zerbitzuetako batzordeak ala erabakita, eta EAJren eta Bilduren baietza jasota, semaforoa jarri da Iturbide kalean.
80 euroko isuna
Matrikulak irakurriko ditu semaforoak, eta pasatzeko baimena dutenei piztuko zaie soilik berde koloreko argia. Semaforoa gorrian pasatzen dutenei 80 euroko isuna ipiniko zaie, larrialdi kasuetan salbu. Pisuzko arrazoi bat medio semaforoa pasa behar izan duenak udaltzainei azalpenak eman eta ez du multarik jasoko.
Txanka-Hondartza eta San Martin bidea
Plaza itxi zenean bezala, orain ere herritik ateratzeko Txanka-Hondartza bidea erabili beharko da. Honek ez du esanahi Goiko Kalera joan ezin denik, horretarako San Martin bidea erabiliko da eta. Neurri hau plaza autoen trafikoaro ixten denean hartuko da soilik.