Hiru gazte, bost musika talde eta eszenatoki bat. Labur esanda, hori da ostiral honetan Orion izango dena. Hiru musikazale gaztek antolatutako jaialdia, non bost musika talde indartsuk parte hartuko duten. Arratsaldeko 18:00etan hasita, gauerdira arte, Karela kiroldegian.
Hiru gazteren ilusioa, abiapuntua
Gratxina Lertxundiren, Eñaut Martíren eta Maider Villaverderen afizioa da musika. Zaletasun honekin hiru hankako proiektu bat garatu nahi izan dute: Gure Bazterrak. Batetik, artisten mantenua; bestetik, musika jaialdiak; eta, azkenik, umeekin musika eta sormena sustatzeko tailerrak. Helburua, bat eta bakarra: Euskal Herriko txoko guztiak musika izatea soinu banda.
Bost euskal talde
Grises, John Berkhout, Giranice, Skasti eta Mobydick. Bostak euskaldunak, bostak ezberdinak, bostak indartsuak. Folketik skara; rock, psikodelia, instrumental, pop eta indietik pasata. Bost proposamen, bost izate, bost puntako talde.
10 euroren truke
Hori guztia, 10 euro ordainduta. Hiru modutara erosi daitezke sarrerak: online, WhatsApp bidez eta hainbat dendetan. Online erosteko aukera entradiumen dago, hemen; WhatsApp zenbakia 664 348 104 da hori; eta dendak edo tabernak Dabadaba, Garoa, Eguzki, Irrati eta Kalakari dira.
- Tiketak online erosteko
- WhatsApp: 664 348 104
- Dendak eta tabernak: Dabadaba, Garoa, Eguzki, Irrati eta Kalakari.
Sarrerarekin batera poltsa ere eskuratu dezakezu. Horretarako bost euro gehiago ordaindu behar dira, 15. Kartelak ere eskuratu daitezke 10 euroren truke.