Euskal Herriko Mus Txapelketako kanporaketa jokatuko da Orion

Karkara 2015ko urt. 30a, 12:11

Larunbatean izango da kanporaketa, 16:00etan Kolon Txikin.

Euskal Herriko Mus Txapelketako kanporaketa jokatu da bihar. 16:00etan hasiko da, Kolon Txikin. Iaz 26 bikotek hartu zuten parte kanporaketan, eta finala ere Orion jokatu zen. Giro bikaina sortu zen eta aurtengoan ere lagunarteko giro polit horretan jokatu nahi dute kanporaketa.

Herrialdetako kanporaketak otsailaren 20, 21 eta 22an dira; finala martxoaren 7an, Lekeition. Biharkoan Oriotik zein bikote sailkatuko diren erabakiko da. Hori izango da saria, herrialdeetako kanporaketetara sailkatzea.

Dena den, herrialdeetako kanporaketan eta finalean sari potoloak egongo dira. Txapeldunak 3.000 euro, txapela, garaikurra eta Karibera bidaia lau lagunentzat irabaziko ditu. Bigarren sailkatuentzat 1.500 euro, garaikurra eta bi lagunentzat Kanariar Uharteetara bidaia izango dira, hirugarrenak 750 euro eta lau lagunentzako asteburuko egonaldia irabaziko ditu, eta laugarren sailkatuak 500 euro eta euskaraz ikasteko urte osorako bi matrikula.

 

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!