Tecnalia saria Teknopolisentzat

Karkara 2015ko ots. 3a, 10:28

Nagore Rementeria Teknopolis saioko zuzendaria da, eta programak Tecnalia Kazetaritza Saria jaso du

Teknopolis saioko zuzendaria da Nagore Rementeria. Zientziarako grinak bultzatuta, kazetari-itxurak egitea tokatu zaiola dio batetik; baina, baita Teknopolis saioa zuzentzea ere. Zientzia eta teknologiaren inguruko saioa da, eta ardatza arlo horiei buruzko erreportaje ulerterrazak dira.

Elhuyarrek egiten du ETBrekin lankidetzan, eta larunbatean izaten da ikusgai: ETB 1en eguerdik 13:20ean eta ETB 2n 9:30ean. Teknopolisen webgunean ere ikusi daitezke saioak.

Saritua izan da Teknopolis. Lehendik jasotako sari-zerrenda luzeari bat gehiago erantsi behar zaio, duela gutxi irabazitako Tecnalia Kazetaritza Saria. Nagore Rementeriak oso pozik daudela adierazi du eta saria jasotzea ohore bat dela gaineratu du.

Iritzi publikoan ikerketa, berrikuntza eta garapen teknologikoaren ezagutza sustatzen eta dibulgatzen duten, eta, hala, gizarte berritzaileago bat eraikitzen laguntzen duten hedabideetako profesionalen lana aintzat hartu eta saritu nahi izan da Tecnalia Kazetaritza Sariarekin.

Tecnalia Kazetaritza Sariaren ekitaldia

 

Orioko Softbol Taldearen erreportajea

Teknopolis saioan Orioko Bate Bizkorrak taldea izan zen protagonista. Sofbolaren alderdi teknikoa ezagutzera eraman zuten programaren bitartez.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!