Guztiak irabazle Zaraguetako krosean

Giro paregabea izan zen Zaraguetak antolatutako igande goizeko kros txikian. HH, LH eta DBHko ikasleek hartu zuten parte.

HHtik hasi eta DBHra, adin tarte horretako haur ugarik hartu zuten parte seigarrenez antolatu den kros txikian. Adinaren araberako distantzia egin behar izaten zuten, eta, amaitu bezain pronto, guztientzako dominak eta pintxoak banatu zituzten.

Eguraldia lagun, giro paregabea izan zuten korrika egiteko. Musikak alaitutako lasterketa izan zen, eta guraso eta haurrek goiz pasa ederra egiteko aukera izan zuten.

Lasterketaren distantzia kategoriaren arabera

HH4 eta HH5eko umeek:    150 metro
LH1 eta LH2ko umeek:       300 metro
LH3 eta LH4ko umeek:       600 metro
LH5 eta LH6ko umeek:       1000 metro
DBH1 eta DBH2ko umeek:  1200 metro

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!