1
Bi mila ta bia izango zen
oroitzea(r)i nola utzi,
Lizardirako listo nengoen
zer nahi nuen erakutsi.
Ta paper baten hala eman zidan:
Hi izango haiz nagusi,
hik behar dituk danak hautsi
ez baitek balio gutxi!
kantatu nuen ta oso gaizki,
ibili nintzen itsusi;
ta okerrena bera ez dedala
geroztik gehi(ag)o ikusi.
2
Baina gaur ere niri begira
hor egongo da ortzean,
bere indarra ailegatzen zait
pentsatuta hotz-hotzean.
Laguna nuen ta laguna dut
beti gau ta bihotzean,
ta gaur zeozer lortzean,
hiru esaldi lotzean,
berdin berdina zait luzean jardun
edo ta jardun motzean
beti karta bat idazten diot
nire bertso bakoitzean.