Zaragueta Herri Eskolako ikasleak Orioko plazan ekitaldia egin dute goizean, 10:15ean inguruan. Orioko emakumeak omendu nahi izan dituzte, hainbat hormairudi jarrita.
Irudietan herriko hainbat emakume ezagun jarri dituzte: Rosi Lazkano, Dibina, Herrio Natur Taldea, postalariak, arraindegiko langileak eta Idoia Etxeberria, besteak beste. Beren irudiaz gain, bakoitzari eskainitako bertso banarekin osatu dute kartela eta herriko plazako kioskoan zintzilikatu dituzte.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!