Hiru urrezko domina Euskadiko Txapelketan

Aulki mugikorreko Euskadiko Txapelketak jokatu dira asteburuan Legution. Oriok zazpi domina lortu ditu, horietatik lau urrezkoak.

Euskadiko Aulki Mugikorreko Txapelketak jokatu dira larunbatean Legution, Araban. Infantilak eta kadeteak izan dira han, hamalau ontzi aurkeztu dituzte eta zazpi domina lortu dituzte: hiru urrezko, bi zilarrezko eta bi brontzezko. 

Urrea irabazi dutenak, txapeldunak, skiff kategoriako emakumezko kadeteak, gizonezko kadeteak lemazain gabeko laukoan eta gizonezko kadeteen zortzikoa izan dira. Zilarra bi taldek lortu dute, emakumezko infantilek skull laukoan eta gizonezko infantilak zortzikoan.  Brontzezko domina ere bi taldek lortu dute, emakumezko infantilen skull bikoitzak eta emakumezko kadeteen skull laukoak.
 
Podiumeko postuetan gelditu diren ontziez gain, beste zazpi taldek ere hartu zuten parte.  Horietako hiru laugarren postuan sailkatu dira, bat bosgarren postuan, bi seigarren postuan eta beste bat hamabosgarren postuan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!