Ondarroa eta Ares TKE Ligara

Play offa bi jardunalditan jokatu da. Lehen jardunaldia larunbatean izan zen, Bermeon. Ondarroak eta Aresek lortu zuten denbora onena egitea, 22:34:28 eta 22:40:14 hurrenez hurren. Kaiarriba izan zen hirugarren sailkatua, 18 segundora helmugaratuta; eta, hauen atzetik, Portugalete sailkatu zen. 

Igandean Portugaleten jokatu zen Play offetako bigarren jardunaldia, 12:00etan. Bezperan lortutako abantaila baliatu zuten Ondarroak eta Aresek, baina, hala ere, berak izan dira estropadako azkarrenak.

KAE1 ligatik San Miguel ligarako saltoa emango dute biek eta alderantzizko bidea egingo dute Zumaiak eta Portugaletek. Zumaia ligako azkena izanda, zuzenean jaitsi da KAE1 mailara. Portugaletek ezin izan dio mailari eutsi igoera kanporaketan.