Atzo arratsaldeko 17:00etan hasi ziren pala erakustaldiak. Emakumezkoak izan ziren lehiatzen aurrenak. Maria Arruti zarauztarrak eta Garazi Eizmendi aiarrak June Aldai aiarraren eta Naroa Beldarrain oriotarraren aurka jokatu zuten.
Frontoian giroa hotz zegoen hasieran. Ikusle gutxi zegoen hasieran, baina, partiduak aurre egin ahala, jende dezente azaldu zen, azaldu du Aimar Galarragak.
Partidua lehiatua izan zen, estua. Arruti eta Eizmendi nagusitu ziren, 30-23ko emaitzarekin, zazpi tantoko aldearekin.
Bigarren partidua ere lehiatua izan zen. Lorentz Orbegozo aiarrak eta Ibon Aranalde oriotarrak Aritz Lertxundiren eta Aratz Olidenen kontra jokatu zuten. Lehendabizi aipatutako bikotekidea izan zen irabazlea, bost tantoko aldearekin, 22-17 irabazita.