Mandalara Elkarteak hainbat tailer antolatu ditu astebururako Orion. Xavier Uriarte Llorente medikuntzan lizentziatuak eskainiko ditu; hau birgaitzean aditua da eta graduondokoa ere badu Osasun Publikoan. Horrez gain, Txertatze Askatasunaren Ligako presidentea da, eta txertoak, neurologia, minbizia eta elikadura gaiak ardatz hartuta hainbat liburu idatzi ditu. Gainera, Bartzelonako eta Gironako unibertsitateetan medikuntza naturista ikastaroak koordinatzen ditu.
Denera hiru saio eskainiko ditu adituak Orion. Bestalde, ostiralean doako hitzaldia emango du Donostian, Txertoen inguruko hausnarketa askatasunetik izenburupean.
Apirilaren 22a, larunbata
- 10:00etatik 14:00etara, Haur ekologia gaia landuko du. Saioan osasuna eta gaixotasunaren inguruko kontzeptuak argituko ditu, eta botikek eta txertoek izan ditzaketen arriskuak azalduko ditu.
- 16:30etik 20:30era, Oinarrizko hazkuntza eta pediatria naturista izango du hizpide.
Apirilaren 23a, igandea
- 10:00etatik 14:00etara, Elikadura ekologikoa eta sendagai naturalak gaia jorratuko du.
Saioren batean parte hartu nahi dutenek, Mandalara Elkartearen webgunean eman behar dute izena aldez aurretik.