Urnietako Dardoka taldeak Espainiako Txapelketa irabazi du, Joseba Unanueren gidaritzapean eta Kroazian jokatuko dute Europako Dardo Txapelketa. Gipuzkoako dardo jokalariek osatzen dute taldea: Orioko Joseba Unanuek, Donostiako Inko Albisuk eta Daniel Oliverrek, Pasaiako Ivan Martinezek, Hernaniko Asier Alonsok eta Lasarteko Jorge Cidek.
Unanue oriotarra da taldeko kapitaina eta berak du nazioarte mailako txapelketetan eskarmentu handiena. Gure tokia berreskuratzeko garaia iritsi da, azken bi urte hauetan ez gara TOP16an sartzeko gai izan, baina azken hilabete hauetako prestaketaren ostean berriz goiko postuen ibiltzeko moduan gaudela uste dugu. Ez da lan erreza izango, baina goi mailan lehiatzeko gai garela erakusteko gogoa handia dugu - azaldu du oriotarra.
Kroazian jokatuko du Urnietako Dardoka taldeak 2017ko Europako Dardo Txapelketa.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!