Orioko korrikalari elkarteak antolatuta, Kamel Ziani haurren krosa egingo dute lehenbizikoz San Nikolas jaietan. Aurten sortu da haurren atletismo taldea, eta dagoeneko entrenatzen ari dira.
San Nikolas egunean, abenduaren 6an, izango da lasterketa. Goizeko 10:00etan hasiko da krosa, Muntoko pasealekutik abiatuta (futbol zelaiaren paretik).
Benjamin, alebin eta infantil mailatako neska-mutilek parte hartu ahal izango dute, eta bakoitzak bere ibilbidea izango du:
- 10:00 Benjamin mailako neskak (600 m)
- 10:20 Benjamin mailako mutilak (600 m)
- 10:40 Alebin mailako neskak (1200 m)
- 11:00 Alebin mailako mutilak (1200 m)
- 11:20 Infantil mailako neskak (2000 m)
- 11:40 Infantil mailako mutilak (2000 m)
Sarien banaketa lasterketen ondoren egingo da, 12:15ean.
Oharra: abenduaren 1era bitarte eman daiteke izena, Karela kiroldegian.