Urtarrilaren amaieran aurkeztu zen Arraunetxen Euskaraldia, eta pozik agertu ziren antolatzaileak herritarrek emandako erantzunarekin. 20 herritar baino gehiagok agertu zuten hemendik aurrera talde dinamizatzailean parte hartzeko asmoa, eta hori osatzeko bilera irekia deitu dute Orioko Udalak eta Karkara taldeak; ostegunean 18:30ean Salatxo aretoan. Aurkezpenera bertaratu ezin izan zutenei baina proiektuan interesa dutenei ere zabaldu diete deialdia.
Otsailaren 22an, ostegunean, elkartuko dira Salatxo aretoan. Urteko plana antolatzeko, Euskaraldia Orion dinamizatzeko taldea osatzeko eta martxan jartzeko tartea hartuko dute.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!