karkara.eus

Orio AE-k ohiko batzarra egin zuen ostiralean

  kirola  Orio

2017ko balantze ekonomikoa, 2018rako aurrekontua eta bazkide kuota berria onartu zituzten, besteak beste.

Ostiral arratsaldean Orio AE-ren ohiko batzar nagusia egin zen kultur etxean, arratsaldeko zazpietan. Arraun elkarteko ordezkariekin batera, 65 bazkidek parte hartu zuten batzarrean.

Bilkurako puntu guztiak inongo eragozpenik gabe landu ziren: 

- Aurreko aktaren onarpena

- 2017 denboraldiari errepasoa

- Jarduera ekonomikoa. 2017ko balantzea

- Jarduera ekonomikoa. 2018rako aurrekontua

- Eskariak eta galderak

Nabarmendu dutenez, 2017ko balantzea eta 2018rako aurrekontua aho batez onartu zituzten.

2017ko balantzea datuetan:

Gastuak: 533.000 euro

Sarrerak: 524.000 euro

Balantzea: - 9.000 euro

Hala ere, elkarteak geldikinak dituenez, 12.000 euroko saldoarekin hasiko du denboraldia.

2018rako aurrekontua datuetan:

Gastu aurreikuspena: 540.000 euro

Sarrera aurreikuspena: 543.000 euro

2018ko bazkideen kuota berria ere onartu zuen batzarrak. Helduentzat urtean 60 eurokoa izango da, eta gaztetxoentzat 30 eurokoa.

Orio AE-k eskerrak eman dizkie elkarteko laguntzaile, bazkide eta kirolari guztiei, urtero egiten duten lanagatik.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa