'Feria Rociera' ekimena izango da apirilaren azkenengo asteburuan

Karkara 2018ko api. 16a, 16:19

'Feria de Abril' festaren harira, 'Feria Rociera' ekimena antolatu du Orioko Arkupe merkatarien elkarteak udalaren eta Eusko Jaurlaritzaren babesarekin. Apirilaren 27an eta 28an ospatuko da, eta herri osoa hartuko dute ekimenerako prestatutako ekintzek.

Apirilaren 27an, ostirala, kalejira egingo dute herrian eta zehar jarritako etxetxoak argiztatuko dituzte. Apirilaren 28an, larunbatean, bi emanaldi izango dira Herriko Plazan. 12:00etan Duendes eta Gitanillas del Alba taldeak igoko dira oholtza gainera, eta kalejira izango da ondoren Semblante Rociero taldearekin. Arratsaldeko 19:00etan, aldiz, Zambra taldeak girotuko du plaza, eta jarraian, eguerdiko kalejira berak girotuko du iluntzea.

Egun horietan arropa andaluziarrak janzteko gonbidapena egin die Arkupek herritarrei. Jantzi hoberenak 200 euroko saria eramango du. Igo hortaz argazkiak @arkupeorio aipatuz, Facebook eta Twitter sare sozialetan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!